තම තම නැණ පමණින් නිමා වෙයි

කාලාන්තරයක් මුළුල්ලේ ඔයාලා හමුවට නවමු බ්ලොගයකින් සපැමිනි නමක් තමයි තම තම නැණ පමණින් කියන්නේ. ජීවිතේ අත්දැකීම් වගේම දැනුම් සම්භාරයක පුරුකක් බඳු වූ ඒ බ්ලොගය ගැන විස්තරයක් කීමට නෙවෙයි අද මම මේ ලිපිය ගොඩක් කාලෙකට පස්සේ මගේ බ්ලොගයේ පල කරන්නේ. හිතේ සඟවා ගත්තු ලොකු දුකක් වගේම වේදනාවකුත් එක්කයි.

සමහර විට මේ මාතෘකාව දුටු සැනින් ඔයාලගේ හිතේ ඇති වුණ සැකය වගේම හැඟීම මොකක්ද කියලා දැනටමත් හිතා ගන්න බෑ මට.

තම තම නැණ පමණින් බ්ලොගයත් සමග එකතු වෙලා හිටි ඔයාලා හැම දෙනාටම කිව යුතු වැදගත් දෙයක් තියෙනවා. ඒ නම්, ඒ බ්ලොගය මින් මතුවට අළුත් ලිපි පෙළකින් ජීවමාන නොවෙන නිසා. මින් මනතට කවමදාකත් ඒ ලිපි පෙළෙහිත්, බ්ලොගයෙහිත් නිහඬතාවක් රැඳිලා තියේවි සදහටම.

මේ බ්ලොගයේ හිමිකරු වන මාගේ ගුරු භවතෙකු වන හා ජීවිතයට අත්දැකීම් සම්භාරයක් පුරවාලූ ඔහු, හදිසියේම අද දින, ඒ කියන්නේ 2010.07.25 දින, අප අතරින් සමු ගෙන ගොස් ඇති බව කණගාටුවෙන් වුණත් කියන්න සිද්ධ වෙනවා. ඔහුගේ නැණැස මින් මතු කිසි දිනකදී අපි ඔහුව ආමන්ත්‍රණය කළ නමින් අපට ආමන්ත්‍රණය කර අසා දැක දැන ගන්නට ලැබෙන්නේ නම් නෑ.

ඔහු ඔහුගේ අනාගතය මනැසින් දුටුවාදෝ කියලා ඔහුගේ බ්ලොගයේ අවසන් ලිපිය කියවලා තේරුම් ගන්න. තම තම නැණ පමණින් - අවසන් ලිපිය

ඒත් අද, කාලය ඒ හැම දෙයකටම හරස් වෙලා. සංසාරයේදී ඔහු අප හා ගත කළ කාලය සීමා වෙලා.

ගුරු පියාණෙනි...
ඔබට අපි නිවන් සුව ප්‍රාර්ථනා කරමු.
ඒත් ඉන් පෙර නැවතත් අපට සිප් සතර ඉගැන්වීමට මේ සසරේදී අප හා එක් වන්න.